Desh ki hawa

Desh main beh rahi kaisi byaar (hawa) hai,
Charon taraf macha hua hahakar hai.
Kisi ko maar rahe gharon se kheench kar,
Kinhi ko peet rahe gaariyon se bandh ker.
Neta machate bhaai-chaare ka shor hain,
Dete hain duhaai gau(cow ) mata pe jor hai.
Mata ki aarh main kamjoron pe chot hai,
Kaisi hai byaar or kaisa ye shor hai.
Dekhte hain neta par jubaan khamosh hai,
Karte hain chinta-kashi or bhashno pe jor hai.
Netaon ke paas nahi koi samadhan hai,
Kainchi se bhi tej inaki chalti jubaan hai.
Dharm ki naam per karte hain raajneeti,
Khaali hain aankhein inki khamosh jubaan hai.